Narrenzunft Lörrach 1936 e.V.
Lörrach
Postfach 2022
79510 Lörrach
Vorsitzende(r):
Herr Andreas Glattacker
Oberzunftmeister
D' Narrezunft Lörrach isch d'Schwöschterorganisation vo de Narrengilde Lörrach.
Sie isch 1936 erschtmolig un nooch em 2. Weltkrieg neu vo ehemolige Mitglieder vom Elferrat vo de Narrengilde Lörrach gründet worde. Sie het wesentliche Aateil am Erhalt vom fasnächtliche Bruuchtum z'Lörrach.
Us verschiedene Gründ isch nooch em Krieg ä Neuusrichtig vo de Fasnacht un ä Namensänderig aabrocht erschiene. Me het drum beschlosse, sich künftig als Narrenzunft vor allem uf d'Usrichtig vo nere Fasnacht im Saal z'konzentriere.
No hüt isch d' Narrenzunft Lörrach dä Garant für ä niveauvolli un g'hobeni, aber uf kei Fall abg'hobeni Saalfasnacht in unsere schöne Stadt Lörrach.
1936 Gründig
1947 Neugründig
1986 50. Jubiläum
1996 60. Jubiläum
2006 70. Jubiläum
2011 75 Johr Narrezunft
Un es goht unbeirrt wyter.
Friss'n wäg, d'r Schnägg!
Wänn isch eigentlig immer Fasnacht?
Wie jeds Kind jo weiss, berechnet me d’Termin für d’Fasnacht noch de Formel vom Carl-Friedrich Gauß vo anno 1800, de sogenannte "Gaußsche Osterformel".
Was het jetze d'Fasnacht mit Oschtere zum düe?
Noch däre Formel vom Gauß isch de Oschtersunndig immer de erschti Sunndig noch em erschte Vollmond noch em erschte Früehligsafang am 20. März. Des ka also früeschtens de einäzwanzigschti März un müess aber denn au schpödeschtens de fünfezwanzigschti April sy. Un zwar jed‘s Johr!
De Fasnachtszyschdig isch de letschti Daag vor de Faschtezyt un immer de sechsevierzigschdi Daag vor em Oschtersunndig. Wenn me des mol weiss, deno müess me numme ei Daag dezüe zälle zum wüsse, wänn Aschermittwuch isch. Denn deno bruucht me eigentlig numme no ä Mondkalender, no ka me sich immer usrechne, uf welle Wuchedaag de Aschermittwuch falle düed…
Vom Aschermittwuch ka me dann au ganz eifach zruckrächne, wenn denn d’Zunftobendtermin sin. Normalerwyss gohsch vier Dääg zruck, no bisch am Fasnachtssamschtig un des isch syt Urzyte immer de letschti Zunftobe und die andere sin - logisch! - devor. Numme wägge de Schaltjohr müesch halt ä bizz ufpasse, wenn de erschti Vollmond ziemlig früeh im Johr gsi isch...
- Jugendliche
- Erwachsene
- Senioren